TIKO: JAPOKUWA ALIPA KIPIGO CHA NGUVU BADO NAMPENDA SIWEZI KUMUACHA

BAADA ya mwanamuziki Tiko Hassan kupokea kipigo kutoka kwa bwana wake aliyefahamika kwa jina moja la Ally, msanii huyo amesema hawezi kumuacha kwani anampenda.

Mwanamuziki Tiko Hassan wakati akiuguza majeraha ya kipigo kutoka kwa bwana wake.

Akizungumza na Ijumaa hivi karibuni, Tiko alisema ni kweli ameumizwa kichwani lakini hawezi kufanya uamuzi wa kumuacha kwa kuwa, anahisi kuna siku atajutia uamuzi wake huo.

“Ni kweli amenifanyia kitendo kibaya, ameniumiza lakini najua ni hasira tu, hata yeye mwenyewe najua anajutia hivyo siwezi kumuacha,” alisema Tiko ambaye alijiingiza kwenye filamu lakini sasa kageukia muziki na anakuja na ngoma yake iitwayo Funga Virago.